Bou e luna yen na Cunucu 297 na Rooi Taki, un grupo di 70 invitado tawatin e oportunidad di mira e 3 produccionnan di Berea Productions, e weekend cu a pasa.
E tres peliculanan ta produci pa Desiree Croes y ta titula E BRUHA, BRUHÀ 1, E CARTA y E BRUHA, BRUHÀ 2.
Tawata MC Addonsito Croes, cu tambe a actua den tur 3 pelicula, esun cu a habri e anochi yamando tur presente bonbini. Despues Desiree Croes a dirigi palabra gradiciendo e publico grandi presente y splicando con orguyoso e ta di presenta e.o. e pelicula di aña 2025 na Corsou, esta E Bruha, Bruhá 1 den e naturalesa unda el tawata filma. E mensahe ta pa nos proteha naturalesa di Aruba contra e crecemento demasiado di turismo.
Tambe el a informa un y tur cu pronto ta cuminsa e filmacion di E Bruha, Bruhá 3.
Pa tur esnan cu ta desea pa e organisacion pasa e peliculanan pa nan, por contacta Desiree Croes of Addonsito Croes riba Facebook of Instagram.
