Cas di Cultura ta orguyoso di por sigui cu su mision di enrikece e landscape cultural di Aruba a traves di programacion artistico atractivo y accesibel cu e presentacion di KOLÓ, un producion musical energetico y interactivo crea pa DrumDrumDrum. E presentacion aki lo tuma luga den luna di juni na Paseo Herencia Ballroom.
Despues di presentacionnan exitoso na Hulanda, Curaçao, y Bonaire, awor KOLÓ ta bin Aruba pa ofrece publico un experencia vibrante centra completamente rond di ritmo, participacion, creatividad, y conexion. Diseñá pa publico cu ta varia di mucha te adulto, e producion ta mescla presentacion bibo cu elementonan interactivo incluyendo percusion, ritmo di curpa, canto, movecion y participacion di publico, transformando spectadornan den participantenan activo den e experencia.
E vision di KOLÓ ta e creencia cu musica tin e poder pa uni hende, stimula creatividad, y crea experencianan entre generacionnan y culturanan. E presentacion di KOLÓ ta refleha e compromiso continuo di Cas di Cultura pa trese programacion cultural di calidad halto pa Aruba. Door di presenta produccionnan inovativo y inclusivo manera esaki, Cas di Cultura tin como meta pa sigui fortifica e ambiente creativo y cultural di Aruba mientras ta haci e artenan accesibel pa publico di tur edad. Tambe ta keda dedica na sostene intercambio artistico, desaroyo cultural y experencianan cu ta inspira conexion y creatividad.
Pa mas informacion tokante KOLÓ, programacion en general, y disponibilidad di carchi, por bishita www.casdicultura.aw y sigui nos riba medional social.
