Tur oracion corecto y efectivo ta cuminsa den nomber di Cristo Hesus, Hesus mes a bisa cu tur locual nos pidi den Su nomber esey lo E haci. Pa e Tata wordo glorifica den e Yiu.(Juan 14:13-14.)
Oracion ta e forma di mas efectivo di comunica cu Dios, esey ta caminda nos ta pidi Dios su intervencion den nos bida, pasobra un bida sin oracion no ta bida.
Oracion ta demostra cu nos ta dependiente di Dios, cu nos kier hala serca Dios, cu nos mester di Dios su presencia den nos bida, y den un palabra bisa tur hende mester di Dios, tur hende ta depende di Senjor, aunke hopi no kier reconoce, pero Senjor su misericordia ta grandi,
Oracion ta trece contesta pa nos peticion,
Oracion ta trece bendicion,
Oracion ta kibra cadena di maldad,
Oracion ta kibra maldicion.
Oracion ta trece sanacion,
Oracion ta trece liberacion,
Oracion ta trece paz,
Oracion ta kibra orguyo,
Oracion ta trece humildad,
Oracion ta move man di Dios,
Oracion por cambia Dios su decision.(Isaias 38:5-6).
Oracion ta trece pordon,
Oracion ta haci hende liber,
Oracion ta habri tur porta sera,
Oracion ta corre cu demonjo,
Oracion ta saca hende for di scuridad,
Oracion ta kita stress y depresion.
Oracion ta trece alivio den tur situacion,
Oracion ta trece sabiduria.
Pa medio di oracion nos ta yega na Senjor su trono di gracia, pa medio di oracion Dios ta pordona nos pica y sana nos tera.( 2 Cronicanan 7:14).
Un momento di oracion ta bal mas cu 1 dia di discucion, un momento di oracion ta bal cu hopi miyon, pasobra locual cu oracion por haci, placa no por haci, den un momento di oracion un hende por wordo sana of libera, y esey placa no por haci.
Laga nos corda cu den oracion nos beneficio ta hopi y ta grandi, pesey nos mester tuma tempo den oracion.
Den tur cas mester tin tempo pa oracion, pasobra un cas sin oracion ta un cas sin defensa, ta un cas spiritualmente morto, pasobra si e Spirito di Dios no ta presente den e cas ey, e cas ta bao di atake di spirito malo.
Pasobra ta dos spirito tin E spirito di Dios cual ta e Spirito Santo y e spirito di maldad kende a bini solamente pa horta, mata y destrui.
Ta tempo pa nos comprende e necesidad di oracion pa nos bida, pasobra hopi cos ta sosode pa motibo cu hende a bira lomba pa Dios, esey nos ta mira con grandi e influencia di mundo ta riba hende.
Hende ta hopi preocupa, hopi ansha cu bida. Hende ta den un compentencia cu no ta comprendibel, pasobra caminda ta falta di oracion, tur sorto di spirito contrali ta presenta.
Pesey mi ta bisa boso, tur loke boso pidi ora boso ta haci oracion,kere cu boso ta ricibie,y e lo bira di boso. ( Marco 11:24).
Tur loke boso pidi den oracion cu fe , boso lo ricibi. ( Mateo 21:22).
Ta tur ora nos mester haci oracion y no desmaya. Tur momento nos mester busca e cara di Dios, pa asina nos ricibi pordon y guia di Dios.
Oracion ta haci hende fuerte, ta sinja hende confia den Dios, y no haci nada riba nan mes, oracion ta pusha nos pa pone Dios na prome lugar, oracion ta preveni nos pa cay den tentacion y den e plan di e enemigo.
Mas oracion tin den nos bida, mas victoria nos conoce pa nos bida.
Tin gran beneficio den oracion, pa tur esnan cu tin fe y cu ta kere Dios.
Sinceramente, Pastor Marcel Balootje.
