E Siman di Investigacion di Caribe Hulandes (DCRW2026) ta anuncia cu orguyo e oradornan principal y plenario. For di dia 17 te cu 24 di juni 2026, lidernan principal di investigacion, maneho y sociedad lo bini hunto pa seis dia di conferencia tematico riba seis isla caribense.
Cu e programa completo publica awor riba www.dcrw.nl, participantenan por explora un siman atractivo di charlanan principal, sesionnan plenario, discusionnan di panel y intermedio cultural, tur enfoca riba asuntonan cu ta importante pa Caribe Hulandes.
Oradornan principal
Durante e seis dianan di conferencia, e siguiente oradornan principal lo duna discurso cu ta structura e tema di cada dia y stimula dialogo entre investigadornan, creadornan di maneho y partnernan social:
- Drs. Stephanie Croes (Aruba)
- Dr. Soraya Verstraeten (Kòrsou)
- Drs. Elly Rojer (Boneiru)
- Drs. Oliver Klokman (Saba)
- Drs. Raymond Jesserun (Sint Maarten)
- Gobernador Alida Francis (Sint Eustatius)
Bo por haya e topiconan di e oradornan principal den e programa di e conferencia: www.dcrw.nl/speakers
Registra pa DCRW2026
Participacion na e Siman di Investigacion di Caribe Hulandes 2026 ta gratis, pero inscripcion ta obligatorio pa tanto asistencia personal como online.
Registra pa DCRW2026 via www.dcrw.nl/registration
Explora e programa completo
E programa completo pa tur seis isla di DCRW2026 – incluyendo sesion, horario, oradornan principal, y opcion di participacion – awor ta disponibel online. Wak e programa completo di DCRW2026 na www.dcrw.nl/programme
Tocante e Siman di Investigacion di Caribe Hulandes
Siman di Investigacion di Caribe Hulandes 2026 (DCRW2026) ta un conferencia gratis di varios dia cu ta tuma luga na Aruba, Corsou, Boneiro, Saba, Sint Maarten, y Sint Eustatius, cu e meta pa provee un plataforma pa investigadornan di e comunidad cientifico caribense. E evento aki ta ofrece un rango amplio di charla, discusion di panel, presentacion cultural y oportunidad di network. Riba dia 17, 18, 19, 22, 23 y 24 di juni 2026, Organisacion di Investigacion Cientifico di Hulanda (NWO) ta organisa e di cinco Siman di Investigacion di Caribe Hulandes (DCRW2026).
Por fabor tuma contacto libremente cu nos na dcrw@nwo.nl si bo tin cualkier pregunta. Nos ta spera di mira bo na DCRW2026!
