Cu hopi emocion y devocion, e talento cantante local Carolyne Kock ta anuncia oficialmente e estreno di su cancion y video clip nobo titula Mama di Luz, un produccion special dedica na nos dushi Birgen Maria.
E lanzamiento a tuma lugar e siman aki, hustamente durante celebracion di fiesta di Birgen Maria, Mama di Iglesia, cu ta duna e proyecto aki un significado spiritual y emocional aun mas profundo.
Mama di Luz ta un cancion inspira pa trasmiti e mensahe di amor, speransa, fe y proteccion maternal. Cu su boz bunita y sentimiento sincero, Carolyne Kock ta invita tur hende pa celebra e poder di oracion, union y luz den nos bida diario.
E video clip oficial ta presenta imagennan reflehando e conexion special entre musica, cultura y spiritualidad. E proyecto ta forma parti di e crecimento artistico di Carolyne como un mucha cantante cu ta sigui comparti contenido positivo y inspirador cu su fanaticonan local y internacional.
E video clip y cancion oficial ta disponible caba riba Youtube:
Carolyne kier a duna un danki special na tur cu a juda cu e cancion y e video clip aki:
Letra Veloushka Krozendijk, Coro Ruth Gaarie, Produccion Musical Robert Kock, Director Musical y Areglo Diego Henriquez, Instrumento, Recording, Mixing & Mastering DH Music Factory / Diego Henriquez, Produccion Video Clip Robert Kock, Mariachi Reyes de Aruba De Ernán Angela, Localidad Rancho Monte Azul (Shayna Werleman), Casibari y Kapel Alto Vista, Vestuario Carolyne Diego Giraldo, Make-Up Caithlyne Kock, Areglo di cabey Chastity Kock-Hodge, y un danki special tambe na Cristalyne Kock.
Pa presentacion, mas informacion, entrevista of colaboracion, por contact e equipo di maneho di Carolyne Kock via 5604567.
