Ami, Shon Funari ,tawata e skeer den historia di e edeficio aki
Cu a gatia y cana pa hopi anya den malo y den bon
Cu hopi fe y bendicion
Entre mi bisinyanan leu y mas serca aki den Savaneta
Mi a bira bieuw y hopi rasca y tin cu ta mas bieuw y mas rasca y machika cu mi
Mi a sufri den silencio
E verf cu a purba alivia mi
Cu amor den su color
Ta pone mi curason bati riba ritmo nobo di amor
Ami ta e skeer den un buraco yen di gloria den su bunita historia
Nan a opera mi y dunami un cara y curpa bunita bek
Cu e lijm di cement traha hunto mescla cu tera y awa cu a uni mi di nobo cu mi rumannan cu tambe lo wordo salba pa gracia y yudansa di Monumenten fonds cu tambe a scucha nos pidi auxilio.
Mi curason a hanya forsa nobo y ta luci den su bunita color den tur su splendor.
Aire fresco ta bula den su bayle di alegria
Yena nos Cas Funari cu mas dushi paz y harmonia
Awor nos por sigi brinda
Servicio profesional y di curason na
nos clientenan den un forma mihor y cu e amor di semper inspira
Di Tata Dios na nos regala
Akiden nos por sigi canta y bayla y traha obranan artistico ,pasa dushi tempo hunto y comparti
Nos neishi a keda bunita y unico ! For di e Fondo firme di Monumentenfonds cu
Cooperacion di Aruba Doet y Stichting Savaneta ,cu bendicion di Tata Dios ricibi.
Lamentablemente nos no por tey presente
Pero cu Funari y Aruba restaura y fuerte na mente
Mi poema dedica na boso tur, Danki pa e trabaunan excelente.
Un braza fuerte di boso Poeta Ruthy Lady Ruth Vrieswijk Bergen
