Un momento cu lo keda graba pa semper den historia di futbol di Caribe. Corsou, hungando e prome partido di Copa Mundial den su historia, a propina un sorpresa gigantesco na e poderoso seleccion di Alemania dor di empata e partido 1-1 den e prome tempo, danki na un gol historico di Livano Comenencia.
E partido den Grupo E, hunga na Houston, a cuminsa manera hopi tabata spera. Alemania, cu ta búscando redencion despues di a keda elimina den e fase di grupo den e ultimo dos mundialnan, a mustra su poder trempan. Na di 6 minuut di wega, Felix Nmecha a probecha di un gran combinacion di e alemannan pa lansa un tiro potente desde rand di e area cu a drenta den e huki superior drechi di e gol, batiendo e defensa di Corsou pa pone e marcador 1-0.
A pesar di e gol tempran y di e presion continuo di hungadonan manera Florian Wirtz y Jamal Musiala, Corsou no a baha cabes. E ekipo, dirigi pa e capitan Leandro Bacuna, a cuminsa haya su espacio y a probecha di un fayo den defensa di Jonathan Tah na di 19 minuut pa avansa.
E momento di gloria
Dos minuut despues, na di 21 minuut, e locura a drenta den e stadion. Despues di un pase hundo cu e defensa aleman Nico Schlotterbeck no a logra despeha bon, Jurgen Locadia a controla e bala y a pas’e pa Livano Comenencia. E defensa derecho di 22 aña, hungador di FC Zurich y esun mas hoben den e plantel di Corsou, a saca un tiro cu su pia hunder cu a trompica den un defensa y a desvia, batiendo e legendario portero Manuel Neuer.
Cu e gol aki, Comenencia a drenta den buki di historia como e prome hungador cu a score un gol pa Corsou den un Fase Final di un Copa Mundial di FIFA.
Comenencia briyando den tur skina
Alemania a reacciona mesora y a busca e di dos gol con todo. Na di 30 minuut, Leroy Sane a topa cu Aleksandar Pavlovic kien a tira fuertemente pa gol, pero e mesun Livano Comenencia a salba Corsou cu un blokeo crucial. For di e tiro di skina cu a sigui, Comenencia structuralmente a bolbe despeha e peliger. Corsou a purba salbi den un contra-ataque rapido via Tahith Chong, pero e decision di e pase no tabata esun corecto, perdiendo un oportunidad den espacio habri.
Desues di 30 minuut di wega den e prome tempo, e marcador ta keda empata 1-1 den un partido caminda e “David” di Caribe ta para cara a cara y sin miedo contra e “Goliath” di Europa.
