Como Cristian y fiel sigidor di Crist Hesus nos tur sa Cu Dios no a duna auroridad na hende pa maldiciona otro.
Hesus a instrui na nos pa stima otro, stima nos enemigonan y haci oracion pa nan.
Ta para scirbi den Efesionan 4: 29 lo siguiente: No laga ningun palabra danino sali for di boso boca, sino solamente palabra cu ta bon pa edificacion, conforme e necesidad di e momento,pa esaki por duna gracia,na esnan cu ta tende.
Hopi biaha ora tin discucion den famia, mayornan ta expresa cierto deseonan contra nan propio yiunan y despues ora e mucha su comportacion cambia nan kier puntra ta dicon
Den ningun caso nos no por maldiciona nos propio simia como mayor, hasta ora caso di inmoralidad, presenta, hasta caso di abominacion presenta, nos por rabia, pero nos no por papia maldicion den direccion di nos yuinan, ni tampoci pa ningun otro hende.
Ora nos papia maldicion, nos mes ta establece,Odio, Rencor, y Amargura den nos bida cas y famia.
Y esey ta e deseo di e diabel, pa no tin pas ni tampoco santificacion, pasobra ora nos papia maldicion, falta di pordon ta goberna nos bida.
E asunto ta hopi doloroso, y tin hopi hende pasando den prueba fuerte como Cristian y fiel siguidor di Cristo Hesus.
Nos deber ta pordona, aunke con duro e caso por ta , nos tin di pordona, pa asina Dios tambe pordona nos.
Cuanto biaha nos no ta tende expresion fuerte di mayor den direccion di nan propio yiu por ehempel:
Ora e mucha a comete un crimen, mal deseo ta bay den su direccion.
Ora e yiu resulta di ta un pedofiel, lesbiana, homosexual, violador, matador, narcotraficante, yiu ta wordo rechasa y hasta palabra di maldicion ta wordo manda den su direccion, y ta prohibi e yiu pa e no presenta na porta di cas nunca mas, ni tampoco pa motibo di entiero.( Romanonan 1;18-32).
Maske kico pasa nos no por keda mantene hende na curason, y es mas ora e ta nos propio yiu, nos simia, pasobra si un hende ta bay fierno ta e mes a scohe, pasobra Dios ta stima tur hende.
Awor ora cu nos ta den liderazgo ta bon pa nos tene cuenta kico nos ta papia, pasobra corda kico Cristo Hesus a bisa Pedro: Pedro si bo stima mi cuida mi carnenan.
Si un hende ta bay for di nos, laga nos bendicione y lage bay, no zundra no haci nada, pasobra bo sa cu abo a trata bon cune, asina si e kier bay lage bay y mantene porta habri pa por si acaso e bini bek ( Lucas 15:20-21).
Aunke nos zundra un hende y papia maldicion contra su bida, toch nos no por cambia e persona, ta solamente Dios por cambia hende.
Si un hende kere den maldicion cual ta palabra di hende, esey por haci danjo na e persona, pero si e persona ta kere den Cristo Hesus y si e sa cu e ta cubri cu e sanger di Hesus, y cu e ta biba bao di sombra di eTodopoderso nada por sosode cune.
Pero Dios den su inmenso amor ta manda nos pa stima otro, pa pordona otro, pa no paga malo cu malo. Pero pa haci bon cu otro den tur sentido, pasobra nos tur ta ruman, y mas ainda ora nos ta na altura cu sin pas y sin santidad ningun hende lo mira Dios.( Hebreonan 12:14).
Den bo cas, den bo matrimonio y famia , tur momento pas mester reina.
Cristo Hesus a kibra tur maldicion.
Sinceramente, Pastor Marcel Balootje
