No tawata intencion
Di a spanta otro hende
Cu a scucha Poeta Lady Ruth su comentario y opinion tocante cambio nomber di Cas di Cultura
Ariba fb den volumen di nan mente y curason
E berdad nan no a comprende bon
Y a usa e palabra envidia
Algo cu tin nan molestia
Lady Ruth no conose e palabra ey den su vocabulario humano ni poetico, just pa pueblo sa
Lady Ruth cu a elogia
Lady Ruth cu a expresa
Na su colega cantante Sra. Arends Croes durante su homenahe di Voz di Oro of algo asina
Algun anja pasa pa Edjean organisa ?
Boso ta kere cu mi curason a ganya y of mal interpreta ?
Boso mente y curason ta mal informa
Pa mi tambe Maybe ta un persona stima !
PERO…..
NO POR sigi cu cambia hopi caya y nomber di lugarnan pa loco
Esey no ta wordo accepta ni aprecia pa nos adultonan mayor
Nos tambe ta votador
Unda e respet a keda
Pa nos antepasadonan
Cu nan historia?
Anto cambia e nomber di parlamento pa Hungateca?!
Boso kier cambia tambe e nomber di nos isla ?
Of e nomber di boso famia, paso no ta contento ?
Paso a hanya mas placa ?
Otro negoshi ?
Waak boso holoshi
Y stop di ansha futuru
Niun di nos tey pa semper
Un curason y un mente NO ta algo digital
Pa mors cu ne
Nos adultonan mayor merece trato y respet special
Aki poco tempo tur nos cayanan cu nomber di tur politico, musico y artistanan renombra
Ta manera ta nan so tin nos pueblo carga
Paso no sa di stop di roza nos mondinan y traha mas cas y mas hotel
“Does it ring a bell “?
Mientras tin hopi cas
y edificio verval para bashi aki aya
Ken a faya ?
Ruthy Lady Ruth
Augustus 2026
