Team domino bou palo cu un promer ministro ta chapi, planta mata, verf cas, subi palo luz, caricia porco, viahando rond mundo, pero menos goberna!
Increibel bo a “hereda” un surplus di 543 miyon florin. Sin ningun splicacion cu argumento nan valido y plausibel ta bolbe fia 50 miyon florin pa paga 4.5 miyon florin na interes na final y ta keda paga te 2029 cu ta un otro compromiso pa atrobe un otro gobierno keda paga!
Ya basta dia ey Mike Eman a fia 160 miyon florin sin sa pakiko lo use! Mescos cu CFT a haci cu Aruba desde 2014 cu gobierno nan di AVP ta ripiti su mes, unda Hulanda ta complice colaborando pa masacra e pidi baranca aki cu mas y mas debe!
Ya caba den pasado CFT a colabora pa endeuda nos cu tur PPP-proyecten, unda nos tin ainda 15 anja cu ta 3 gabinete despues di esaki ainda pa keda paga cu “orguyo”!
Rumannan, ta strategia bobo di Hulanda pa laga Mike Eman castiga nos cu mas debe pa nan por prop nos den nos garganta cu e Rijkswet “HOFA”!
Stranjo cu AVP cu cooperacion di varios gremio nan firmando protocol ala festival di castigo nan a yuda pa aumenta e edad di pensioen te 65 anja, unda nan a aumenta e prima cu 2%, introduci “franchise”, unda abo cu ta keda keto como ambtenaar a perde entre 300 pa 3000 florin pa luna, unda como pensionado cu esaki bo a perde di cobra mas cu 150.000.— florin cu sigur a afecta tur e obligacion nan financiero cu bo tabata tin!
SVB ta un instituto social cu su donjo nan ta e donjo nan di trabou y e obrero!
Aruba quo vadis! Gremio nan sigui drumi trankil, ta nos tur lo keda paga 8 biyon florin na debe si sigui asina sin Status Aparte goberna pa Hulanda ala gemeente “Luijtesland”.
Tristo. Esaki bo a vota pe?
