No worry cu critica, no tene miedo di palabra di hende, tur caminda cu tin critica envidia ta biba, y caminda envidia ta biba, amargura tin su residencia, y hopi biaha enemigo ta usa critica pa descurasha, pero esnan cu ta mantene nan bista riba Dios, lo triunfa.
Noe a wanta 120 anja di critica, pasobra e a kere Dios, y a construi e Arca manera cu Dios a bise y tur hende por mira locual ta para scirbi den Genesis 6:22 y Genesis 7:1, e resultado di obediencia di un homber y con henter su famia a wordo salba.
Ora Nehemias a pone man pa drecha e murayanan di Jerusalem, e a confronta critica , oposicion, y hasta atentado contra su bida, pero Nehemias a para firme y bisa e opositornan cu e trabao ta mucho grandi y e no tin tempo pa scucha nan y asina e a caba cu locual Dios a bise pa haci.( Nehemias 6:1-14).
Den Mateo 16:22-23 Pedro kier a evita cu Hesus lo sufri y wordo claba na crus, y wordo lanta di tres dia for di morto, Pedro a hala Hesus un banda y bise, pero Hesus su contesta na Pedro tabata: Kita Bay for di Mi dilanti satanas. Bo ta un piedra di trompeca pami.Pasobra bo no tin bo pensamento riba cosnan di Dios, sino riba esnan di hende.
Ora e enemigo no por haya bo mes, e wak ken den bo circulo di amistad ken e por influencia, pa asina haci tur locual ta posibel pa para locual cu bo ta haci pa Senjor.
Job tabata pasando den un prueba cu Senjor a permiti den su bida, e diabel a nota cu Job no ta dobla, Job ta sigi firme, Job no a peca contra Senjor, pesey e diabel a influencia su casa pa bise maldiciona Dios y muri, pero eynan tambe e diabel a faya. ( Job 2:9-10).
Ora nos bista ta riba Senjor , nos tin e forsa di Dios, pa usa critica di hende como blokki pa nos para riba dje, pasobra tur locual ta den boluntad di Dios lo ricibi ciritica. Pablo a bisa un palabra cu tur hende mester tene cuenta cune den e tempo cu nos ta bibando:. 2 Timoteo 3 :12 Y di berdad tur hende cu kier biba un bida santo den Senjor lo wordo persigi.
Ta masha importante ora nos mantene nos bista riba Senjor y e vision cu e a duna nos, y e proposito di Dios den nos bida, pasobra critica ta pa trece duda, y nos tur sa cu ora hende duda nan no por ricibi algo di Dios.pasobra duda ta haci hende su curason dobbel ( Santiago 1:6-8).
Fihando nos wowo riba Hesus , e autor y cumplido di fe, Kende pa motibo di e goso poni su dilanti,a soporta e sufrimento di crus,sin haci caso di berguensa, y a sinta na man drechi di e trono di Dios.( Hebreonan 12:2).
Pesey no tira boso confiansa afo,cual tin un gran recompensa. Pasobra boso tin mester di perserverancia , pa ora boso haci boluntad di Dios,boso ricibi loke a wordo priminti. Pasobra denter di masha poco tempo.Esun cu ta pa bin,lo bin, y lo no tarda. Ma e husto lo biba pa medio di Fe.
Y si e hala tras . Mi alma no tin placer den dje.( Hebreonan 10:35-38).
Ora nos bista ta riba Dios, ta dificil pa nos cay den depresion, pasobra Dios ta sostene nos.pero ora nos kita nos bista for di riba Dios, nos ta bira vulnerabel pa tur atake.
Sinceramente,
Pastor Marcel Balootje
