Cuanto di nos por compara nos mes cu e hoben aki. Keriendo cu nos ta sigui Hesus ariba e caminda cu El a pone pa nos. Cumpliendo cu tur Su mandamentonan fielmente. Te ora Hesus a bisa e hoben, cu si di berdad bo kier sigui Mi, laga tur cos, los di mundo y bini cerca Mi. E hoben a cay den un dilema. Cuanto di nos tambe a sinti manera e hoben aki. Nos kier tene man di Señor, pero na mesun momento, tene man cu mundo tambe.Y si di berdad nos ta stima y ta desea di sigui Señor, e dilema aki no mag di existi. Kico ta mas importante den nos bida? Cosnan di mundo of Esun cu a crea mundo. Corda, cu nos bida aki na mundo ta temporario. Unda nos kier bay despues?
Oracion: Señor mi Dios, pordona mi, si mi no a pone Abo, prome den mi bida. Yuda mi Señor, pa mi laga los di tur cos di mundo. Y cu mi por sigui Bo, cu alma y curason, e caminda cu Bo Yiu Hesus a pone pa mi. Spirito Santo guia mi. Amen.
