Iglesia ta corda nos pa corda riba nos mortalidad pasobra di un manera of otro, nos ta lubida! San Benito tabata e fundado di monastisismo occidental. Den su instruccionnan el a exorta su ’monhenan’ pa ”tene morto semper bo dilanti”.Yamando na mente nos morto inevitabel por ta un motivacion pa cambio personal.Nos lo mester duna cuenta di e manera cu nos ta bibando y cada palabra cu nos ta papia (Mat. 12,36-37). Tur hende cu a yega di biba lo para dilanti di Dios na un manera particular y despues enfrenta nan huicio final. E veredicto aki lo determina eternidad pa cada un di nos. Nos tur ta bayendo pa un huicio personal. Nos mester ta cla pa e momento impresionante y
espantoso aki. Nos mester destaca door di mustra fe, speransa y echonan di amor awor. Pero hasta den tononan suave, nos morto mester di un preparacion. Nos sufrimentonan ta tuma e rol di lanta nos, y tambe prepara nos pa e evento significante final aki. Sufrimentonan ta lanta nos pero tambe ta un ingrediente clave pa prepara nos pa unda nos tur lo bay: e ultimo luga.
Oracion: Señor, siña nos conta nos dianan, pa nos haya un curason sensato. Amen.
