Mientras pueblo ta wordo pidi pa hala faha mara, Gobierno a firma un deal directo cu compania di Misha Raymond  pa nada menos cu Afl. 13.423 pa luna, mas Afl. 155 pa cada ora extra.

E propio beschikking ta reconoce cu normalmente un aanbesteding mester a tuma luga, pero Gobierno a opta pa haci uzo di un excepcion y duna e opdracht directamente.

Afl. 13.423 pa luna ta un entrada na nivel sumamente halto, mientras pueblo ta tende diariamente cu mester economisa of cu HOFA mester bin pa spaar intrest.  

Pregunta ta simpel: pakico deal directo, pakico e suma aki y unda ta e transparencia?

Minister Gerlien Croes mester splica pueblo con Gobierno ta hustifica un deal asina cu placa publico.

Pueblo tin derecho di sa unda cada florin ta bay!