Minister President Evelyn Wever Croes a demostra cu e ta para pa Integridad
Parlamentario Endy Croes a splica cu Minister President a entrega retiro di su Gabinete na Gobernador. Tur esaki a desaroya masha rapido. Momento a bira conosi cu Ministerio Publico a manda un comunicado di prensa riba iregularidad di un fundacion di fraccion di POR den Parlamento y cu tin un sospechoso di malversion. Den e comunicado di prensa Ministerio Publico a splica cu algun tempo pasa a drenta un melding di MOT ( melding ongebruikelijke transactie). Ta trata di iregularidadnan referiente maneho di placa riba un cuenta bancario di un fundacion di fraccion di POR den Parlamento. Riba ordo di Procurador General esaki a wordo investiga door di landsrecherche di Aruba cual investigacion a conduci na un sospechoso. Esaki ta e hecho cu Minister President a informa Conseho di Minister cu e no por continua di e forma aki. Manera nos sa cu Minister Presidente ta para pa Integridad y manera semper el a expresa hasi lo corecto hasta momento ningun hende ta waak.
AVP tin un actitud diferente y ta sinonimo na corupcion:
E diferencia mas grandi entre Mike Eman y MEP ta Sinceridad y Integridad. Mike Eman a escohe pa wanta un gobierno a costo di tur cos. Asina Mike Eman a escohe pa sigui paga un x minister ful su salario hasta momento e ta deteni den KIA. Mike Eman a percura pa Marlon Sneek presenta un ley cu cambionan specialmente pa acomoda e x minister pa e por a sigui cobra. Miembronan di AVP den Parlamento a aproba e ley aki cual gobernador na su turno a manda bek pa Raad van Advies y nunca a wordo bekrachtig. Asina AVP ta maniobra. Benny Sevinger actualmente sospechoso mayor den e corupcion di mas grandi den historia di Aruba tambe ta cobrando salaris como Parlamentario anto nunca ta na pia di trabou. Esakinan Mike Eman y AVP ta apoya. Diferencia ta cu MEP ta walk the talk. MEP a pone den acuerdo di gobernacion cu INTEGRIDAD ta para halto y ta e luz di e caminda di gobernacion. Momento Minister Presidente a mira cu den e relato publico di Ministerio Publico di un sospechoso y un presunto malversion alrepecto un partido cu ta sostene gobierno e no a duda pa tuma un desicion. Berdad Aruba ta traspasando den temponan hopi dificil pero den bida como hende Bo ta para pa Bo principionan. Esaki ta locual a tuma lugar. Si tabata AVP gobernacion lo a sigui sin problema paso AVP ta sinonimo na Corupcion. Pa partido MEP INTEGRIDAD ta sagrado y a demostra esaki cu hechos cu ta para pa esaki. Spera cu awor nos a drenta temporada di elecion pueblo por tin e aprecio pa desicionnan grandi cu ta wordo tuma pa corigi e mentalidad troci cu AVP a cultiva 8 aña largo den comunidad.
