Fraccion MEP a haci preguntanan na e minister encarga cu Salud Publico, Mervin Wyatt-Ras, a base di e reciente Economic Outlook, Real Sector di Centrale Bank di Aruba (CBA).
Den e rapport, CBA ta trata e posibel consecuencia financiero di e regularisacion di trahadonan sin documentacion pa e sector di salud. CBA ta haci un calculacion indicativo cu, si aproximadamente 5.800 persona regularisa bira asegurado nobo di AZV, esaki por resulta den aproximadamente Afl. 26,1 miyon na costo adicional di salud pa aรฑa.
MEP ta pidi e minister pa duna claridad tocante e posibel impacto di esaki riba e situacion financiero di e fondo di AZV. Entre otro, ta puntra si AZV por carga e posibel costo adicional structural y si tin espacio financiero pa cubri e costo aki.
Fraccion MEP tambe a puntra ken lo carga e eventual costo adicional y con esaki ta compara cu e ingreso adicional di, entre otro, prima di AZV y otro contribucion.
Finalmente, MEP ta puntra cua medida concreto e minister ta contempla pa preveni cu eventual aumento den costo di salud ta pone presion financiero riba AZV y eventualmente afecta e calidad y accesibilidad di salud.
Cu e preguntanan aki, Fraccion MEP kier obtene claridad tocante e posibel consecuencia financiero pa AZV. MEP ta warda e contestacion di e minister den 3 siman, manera a wordo acorda cu presidente di parlamento.
