Rondona pa su famia- y amigonan mas cerca di dje, Mieckey Gravenhorst a celebra den grandi su cumpleaño number 80.
Cu e dj y karaoke y animacion di Julio’s Karaoke, Soledad Reina y Addonsito Croes, tur esnan presente na su cas na Madiki, a disfruta di momento cu nan a yega te ora cu nan a bay. Catering tawata den man di Thyara Doornkamp y su mom Omayra de Windt.
Algun cancion cu publico a disfruta di nan tawata entre otro Content’i mirabo, Den skochi’ bo mama, Maria Isabel, It’s now or never, E fecha glorioso, Abo So y Cunucu di Seit.
Den su speech Mieckey a gradici tur esunnan cu pa tanto aña ta sostene den bon y den malo entre otro su yiu Carissa, su rumannan y cada amistad. Tambe el a declara cu ainda e ta bon bon na tino y cu e ta aprecia tur cu tanto stim’e.
Un parti inolvidabel tawata ora cu Mieckey y su 8 amiganan a subi e escenario ficticio di Club RCA compitiendo pa Reina Hubenil di Aruba su carnaval.
Di parti di tur esnan cu ta stim’e, Mieckey ta haya felicitacion cu e deseo p’e ta hopi aña mas rond di nan tur.
