Ataca den desierto di incredulidad pa e colebra cu ta carga e veneno di pica, un gran parti di e pueblo di aliansa a muri. Anto Moises riba ordo di Dios a laga hisa un colebra di brons riba un palo. Ken cu a haya un mordi mester a wak’e, pa e keda na bida. Moises ta representa Cristo, e colebra di brons su morto y e palo, e palo di cruz. Asina e hende cu e colebra den Genesis a morde, por dirigi su mes na Cristo riba cruz, pa e cura di su pica. Mester halsa Yiu di hende, Yiu di hende ta subi bay cerca Dios pa ricibi aya dignidad di rey. Pa Huan Yiu di hende tin di keda eleva riba cruz. Ma esey ta prome paso cu mester hib’E cerca Dios den Gloria. Den su obedencia Hesus a brasa morto hasta morto riba cruz. Pa motibo di esey, Dios a hals’E masha halto y a dun’E un nomber cu ta riba tur otro nomber.
Oracion: Dios ta bon semper y ta mira e curason. Nos tur tin un cruz y lucha y no ta facil, pero cu Cristo nos por tur cos. E so por duna nos e forsa sobrenatural pa enfrenta e lucha aki na tera. Amen.
