Den e versiculo di awe, nos ta para keto ariba un palabra importante den Bijbel. Pero tambe den nos bida. Amor. Nos por haci cualkier cos den nos bida. Sea cu trabou of cu prohimo. Pero si nos no haci’e cu amor, e no tin balor. Mescos cu si nos por tin tur e donnan cu Spirito Santo a duna nos, pero sin amor e lo no funciona. Corda ariba e amor di mas grandi cu nos a experencia. E amor cu Tata tin pa nos pa medio di su Yiu. Corda amor no tin limitacion. E ta pa semper. Y si nos duna cu amor, nos ta hay’e bek cu amor. Si nos Tata por haci tur cos cu amor, dicon nos no por haci’e tambe?
Oracion: Señor mi Dios, danki pa e amor mas grandi cu Abo a duna mi. E sacrificio di bo Yiu pa mi salbacion. Mi Señor, inspira mi y motiva mi, cu yudansa di Spirito Santo, pa ami tambe yuda otro den Bo nomber cu e forsa di amor. Amen.
