3 workshop pa maestro na biblioteca

Biblioteca Nacional Aruba ta ofrece 3 workshop na maestronan cu ta participa na e Festival di buki pa mucha cu nan klas. Esakinan ta tayer pa prepara maestronan cu ta desea un bishita den klas di un autor di buki pa mucha of ilustrador. E tayernan ta tuma lugar na biblioteca na Playa, dianan 28 y 29 di september di 3or pa 5or y un tayer lo tuma lugar na biblioteca San Nicolas dia 30 di september mesun orario. Registracion por via kbfaruba@gmail.com

Tema pa e Festival di Buki pa Mucha ta “Luz, Camara, Accion!” Subi riba escenario y prepara pa un siman di Festival di Buki fabuloso cu tur tipo di presentacion. For di spotlightnan briyante te momentonan emocionante backstage, for di aplauso bon duro te na un storia cu ta kita tur bo nervio  — den buki e escenario nunca ta leu. Topa cu personahenan cu ta canta, baila, hunga teatro of ta haci e diferencia tras di escena. E Festival di Buki pa Mucha aki ta pa stima e presentacion, sea for di bo stoel of door di subi escenario bo mes. Ban cu nos den e storianan cu curashi, creatividad y placer riba escenario. E Festival di Buki pa Mucha 2026 lo bira un fiesta fabuloso cu show, talento y imaginacion. Luz, Camara, Accion!