Nos adultonan mayor ta lesa y ta saca nan conclusion ?
Timing perfecto pa otro problema na HOH ?
Placa placa placa
Atrobe
Interupcion fastioso den tuma solo na beach
Zanger in zijn eigen lied
Awor kier culpa illegalnan
Culpa tur prohimo ruman ?
No sa mas con pa yuda y parti pan cu un ruman ?
Tur hende tin derecho di wordo yuda ora salud bira malo
Awor cu e sucu a caba y cambia den salo
Nan kier dal pueblo cu palo pa mas negligencia
Dicon ta awor numa ta bati bel di alarma ?
Of ta karma ta presenta
Ya ta tempo di su bishita cu dolor arma ?
No por sconde mas tras di un solo consenshi cu ta morde despues di a cabi chupa tur e sucu y laga e salo pa piscanan bin lembe ?
Niun gobierno ta pone fondo un banda pa mantencion di nan mesun edificio
Pero ta pronkia cu otro instancianan den mil y un fundacion
Pueblo kier sa di con ?
Niun carta manda pa gobierno ta wordo contesta?
Nos tambe a purba y no a ricibi niun contesta
Ta nan mal educacion ?
Tuma mal decision ?
Nan no ta comprende Dios den malo y den bon ?
Kier bay den historia como un politico cu curason cu no tin rason ?
Nan mes ta toca y bayla ?
No kier admiti ora nan faya ?
Traha cu placa di pueblo
un gran responsabilidad
Y e negoshi mas caro y mas bendi ta salud di tur cuidadano
Boticanan no ta duna nada regalo
Prijsnan aumentando
Tur caminda kehando
Mientrastanto fiesta cu enfermonan baylando
Riba ritmo medico
Riba ritmo di holoshi cu no ta den niun hende su man
Pero cu ta kere cu nan ta aki pa semper sin cambio sin adaptacion
Bon Dios, tene piedad y misericordia di nos comportacion
Laga tur hende arogante y orguyoso sinya pidi Bo pordon.
Ruthy Lady Ruth
September 2026
