Esaki ta e nucleo di e mensahe di e Evangelio y ta recorda nos e mision cu nos tambe mester hiba igual manera e 72 discipulonan di Hesus. Hesus a scoge y a manda nan su dilanti na su luga caminda E mes mester a bay. Mi mester ta sinti mi yama pa por hiba y proclama acerca di e Reino di Dios? No. Mi actitud mester ta semper como un bon cristian di comparti y anuncia di e Reino aki na otronan. Sin mucho buya o bomboshi, pero manso y trankil manera un lamchi den un mundo yen di lobo. Un lamchi protegi pa su divino pastoor. Nunca tene miedo ora di hiba un lucha contra ofensa y calumnianan haci pero como advertencia laga resona cu e castigo di Sodoma ta menos pisa cu e castigo di esnan cu ta lanta contra di e Reino di Dios. Sacudi e stof ta nifica siña laga bay. No keda pega caminda bo no ta wordo balora, ni cansa bo mes ta pleita; warda bo paz y sigui dilanti na unda si nan ta ricibi bo.
Oracion: Señor duna mi animo pa hiba bo palabra tur dia. Amen.
