Rumannan no laga nos bira manera Marta. Preocupa cu tur sorto di cos cu tin di haci y laga un banda e loke ta mas importante na e momentonan ey. E presencia di Cristo cerca nan. Hesus a bisa cu Maria a scoge e parti mas importante cu ta sinta y scucha loke Hesus tabata papia. Hesus ta yama nos pa para keto un rato na loke ta importante den nos bida. Si nos wak con Marta tabata, e tabata preocupa cu diferente cos. Nos tambe ta preocupa cu diferente cos den nos bida, famia, trabou, problema, compromiso, proyecto, preocupacion pa futuro y hopi mas. No laga nos bira manera Marta, laga nos bira manera Maria. Laga nos buta Dios na prome luga den nos bida. Rumannan laga nos haci manera Maria, sinta un rato cerca Hesus, laga nos bishita Santisimo y papia cu Hesus.
Oracion: Cristo Hesus yuda nos pa nos no lubida realmente kico ta importante den nos bida, laga nos bira manera Maria cu ta busca Bo presencia, scucha bo palabra y pone Dios na prome luga. Amen.
