Despues cu e pelicula Arubano, BRUHA, BRUHÁ 1, a bira e pelicula ganador di aña 2025 cu e Kadushi di oro den Krioyo Film Festival na Corsou, awor t’e beurt di E BRUHA, BRUHÁ 2. Actris Yvonne Tromp a gana e miho actris di reparto na 2025.
E BRUHA, BRUHÁ 1 y 2 tin como elenco, e actuacion di actornan local manera Desiree Croes, Mirto Tromp, Addonsito Croes, Yolanda Croes, Yvonne Tromp, Ruben Croes, Shajir Croes, Nigel Maduro, Egmond Molina, Lelicia Tromp y Edwin Duineveld. E lucha pro naturalesa di Aruba y e practica di bruheria y su ritualnan na Aruba ta temanan principal den tur dos pelicula.
Cu orguyo Berea Productions den colaboracion cu Djis pa Hari Productions di Semi Chahmi, ta anuncia cu E Bruha, Bruhá 2 ta acepta den e di tres edicion di Krioyo film Festival cu lo tuma lugar na Caribbean Cinemas na Sambil dianan 26 di october te cu 1 di november 2026. Exito n’e elenco!
