Rumannan, laga nos pone nos dilanti cu aki na mundo nos ta den un campo di bataya y ta den paraiso nos lo haya e corona di victoria; no kiboca bo mes, tin un bataya spiritual horibel cu ta andando, sea cu nos ta consciente di dje of no; echo ta cu nos ta completamente meti den dje.(Pader Pio) E bataya ta entre e forsanan di luz y esnan di scuridad y e premio ta curason di hende. Di nos parti nos mester enfrenta e bataya aki cu e armanan spiritual cu Iglesia ta duna nos y den comunion cu Esun cu ta victorioso: nos Señor Hesucristo. Tempo moderno ta wordo domina pa diabel y esey lo aumenta mas ainda den futuro. Asina e Santo Maximilian Kolbe tambe a bisa. Ningun hende por enfrenta e guera aki riba nan mes. Solamente Birgen Maria a haya e poder aki di Dios: e promesa di ta victorioso riba diabel. E ta un guera cu nos mester bringa cu oracion den nomber di Hesucristo pa medio di Spirito Santo cu ayudo di Birgen Maria.
Oracion: Hesucristo, Bo a triunfa riba diabel, pica y morto. Señor salba nos pa medio di Bo poder y victoria. Amen.
