Ta bisa cu no kier tende di bo mas, no mas contact
E motibo cu segun e bo no a duna bon oido
Na su dolor aunke ela contabo su storia hopi biaha caba y ba fada
consehe pa papia cu e rais di su situacion
Luz ta sende y bo ta realisa cu nunca e amistad ey a existi di berdad, bo tawata un motor materialista regalando e persona ey locual e tawata falta of no tawatatin
Bo tawata yuda un otro tambe cu locual abo tawata por
Hasta un stove pe cushina ba regal’e
Pero e no por a aprecie
A bira golos pa mas
Ach, spera cu tur ta na paz
No tin falta di nan
Mi respet pa nan perdi
Den nan mesun amor egoista scondi
Deseando toch tur bon pa nan,
E ta un amistad frustia
Un amistad lubida y dera
Ta mas a pasa aden
Hambra pa placa ?
Mi tambe a pasa den
Nan a usa palabra malo y mahos, pa via di cos
Bau stress di trabau probablemente
Naaaah, cu mi e bela ey no ta sende
Hasta algun cu no tin nada di haber cu e asunto a mete,
Tumami pa sokete
Ta bon cu nan a aleha
Nan consenshi preta
Ora mi tende of lesa algo similar den otro famia
Mi ta deseanan paz y harmonia na e yiunan cu a sigi ehempel mahos di nan mayornan
Lady Ruth no tin enemigo
Lady Ruth a dera e amistadnan frustia
Nan sa cu ta enemigo di nan mes nan ta?
Y cu mas leu nan keda mas mihor pa tur
No purba di aserca
E amistadnan frustia aki no ta caduca
Sigi boso rumbo sin stroba esun di mi
Dios ta inspirami sigi scirbi, pa inspira otronan cu no sa kico ta pa pidi pordon
Boso no por paga mi luz ni stroba mi bendicion
Boso a bay pasobra boso mester a bay
Tin temporada, tin motibo y tin pa bida largo
No tin lugar mas pa boso den Lady Ruth su bida
Boso tawata un temporada en busca di boso mes den luho di otro, hiba boso boroto y mal manera mas aya den un otro espacio crea pa esnan cu tin hopi mas di sinya kico ta bida y kico ta ser un ser humano cu respet pa su mes y pa otro.
Ruthy Lady Ruth Vrieswijk-Bergen
Oktober 2026
