Cu e proyecto presupuestario revisa pa 2027, adapta despues cu anteriormente Cft a abstene di emiti huicio, Boneiro ta duna un paso pa dilanti. Sin embargo, e preocupacionnan tocante di e factibilidad financiero di e plannan ta sigui existi. Esaki ta loke Colegio di supervision financiero di Boneiro, Sint Eustatius y Saba (Cft) a declara, despues di un bishita di trabao di e Colegio na e isla riba 26 di october. Cft a papia cu Colegio Ehecutivo tocante di e proyecto presupuestario pa 2027 y e fortalecemento di e organisacion financiero.
Recursonan di caha por stroba e inversionnan
Entidad Publico Boneiro ta a punto di inicia proyectonan cu ta trece gastonan halto. Te cu 2028, Selibon mester di aproximadamente USD 26 miyon na sosten di likides. Banda di esaki, tin contribucionnan propio pa proyectonan den Regio Deal, alohamento di enseñanza y infrastructura. Ta parce cu no a incorpora tur e gastonan aki den e presupuesto financiero. Esaki ta significa tambe cu ta dificil pa estima adecuadamente e recursonan likido, cu ya caba tin disponibilidad limita. E recursonan likido aki ta necesario pa efectivamente por haci e inversionnan importante.
Organisacion financiero: integral y salbaguardia
Colegio Ehecutivo a presenta medidanan pa fortalece e organisacion financiero, incluyendo un analisis di gap, un ciclo fiho di Planificacion & Control, y controladornan cerca e direccionnan. Gezaghebber tambe a menciona e analisis di gap den su carta na Secretario di Estado, como medida pa fortalece e organisacion y e capacidad di implementacion di Entidad Publico. Cft ta considera cu esaki ta positivo. Considerando e hecho cu eleccionnan ta acercando, ta necesario pa salbaguardia e mehoracionnan aki permanentemente, pa asina un Colegio Ehecutivo siguiente por construi riba nan. Cft – siendo stakeholder activo – lo sigui e desaroyonan aki cu detencion.
Turismo
Cft a papia cu TCB, Bonhata y Stinapa tambe. Turismo ta representa aproximadamente mita di e economia di Boneiro, y p’esey ta un pilaar importante pa finanza publico saludabel y duradero. Cft ta curasha Boneiro pa desaroya un vision multianual riba turismo y pa conecta un agenda di inversion na esaki, pa asina percura pa e isla keda atractivo pa bishitantenan futuro tambe. Atrayendo turistanan di e hemisferio occidental, ta reparti turismo y ta reduci e bahada den temporada abao, pa asina e entradanan keda constante riba termino largo tambe.
