Si universo ta di y pa nos tur ariba mundo, reparti y comparti, ken nos ta pa exigi y dividi ?
Si Dios Creador di amor a crea e ser humano, e flora y e fauna y mas pa tur cu ta hala rosea disfruta
Pa tur cu ta bibo respeta nan mes y otro
Si tur parti di mundo paisnan manera nacionnan uni chikito ta existi, multi cultural diferente na politica
na raza y religion
Si tur parti tin cosnan malo y bon
Preto y blanco
Pober y Rico
Si tur sondea den nan curason y encontra e bon
Y kico ?
Como boso Poeta local Lady Ruth, mi ta puntra di con no por tin union ?
Di con spanta y menaza hendenan cu tambe tin derecho di traha pa pone nan pida pan ariba mesa
Bon hende cu fe cu tambe ta gradici Dios y reza pa paz y amor
No ta tur ta un malechor
No ta tur ta mal hende
Aunke den tur pueblo y nacion tin un of mas appel putri cu ta danya pa hopi y bende nan mes pa placa y material
Pakico no por laga esnan cu ta aki caba, cu ta hasi trabao di otronan cu no ta tur di nos gusta hasi, keda y sigi aporta cu nan trabaonan serio balente fisico ?
Hasi mas esfuerzo den mas seriedad pa tene e cantidad di nos pueblonan uni culturalmente
Pero bira un crenchi mas estricto na frontera
di nos Aruba dushi tera
E cantidad di turista cu tambe tin cu maneha
Tur caminda tin hende ta drenta sali, sali drenta
keda pega pa despues bolbe sali,
Ki ta e miho manera pa organisa e control den e libertad aki ?
Paisnan y islanan cu ta sigi carga speranza pa paz mundial riba tera baranca y laman cu no tin su igual ?
Bon Dios, guia y inspira curasonnan tur rond di nos, pa tur por aserca nan mes mas serca di Dios.
Pa un dia nos por sinti di berdad cu Abo a crea tur mescos den balor humano, aunke tur cu un cara diferente y no ta tur curpa tin un mente sano
Ta cosnan na mi curason poetico expresa cu kizas por sirbi pa inspira.
Cu Dios bendiciona nos tur cu salud, alegria y sabiduria den nos bida dia pa dia.
Ruthy Lady Ruth Vrieswijk Bergen
