Tin varios versiculo biblico cu hende tin cu tene bon cuenta cune.
Esun di prome ta Efesionan 5 :3-6 cual ta para scirbi:
Ma no laga inmoralidad, of cualkier sorto di impuresa,of golosidad,ni wordo menta meymey di boso,manera ta pas pa e santonan,
Ni shushedad, ni papiamento di cos di loco,ni chansa bulgar,cu no ta pas,ma mas bien duna gradicimento.
Pasobra esaki boso sa cu seguridad,cu ningun fornicado,persona impuro,of hende cudicioso,cu ta adorador di Dios falso,no tin herencia den e reino di Cristo y di Dios.
No laga ni un hende ganja boso,cu palabra bano,pasobra ta pa motibo di e cosnan aki, e furia di Dios ta bin riba e yiunan di desobedencia.
Pesey no sea participante hunto cu nan.
Esun di dos ta Colosensenan 3:5-9. Ta para scirbi:
Pesey considera e miembronan di boso cupa,terenal,como morto pa inmoralidad impuresa, pasion, deseo malo,y golosidad,cu ta igual na idolatria.
Pasobra pa motibo di e cosnan aki cu e furia di Dios lo bin riba e yuinan di desobedencia.
Y den esaki boso nan tambe tabata cana un tempo.Tempo cu boso tabata biba den nan.
Ma awor boso tambe mester pone tur esaki nan un banda:
Rabia, Furia,Malisia, Calumnia, y palabra sushi for di boso boca.
No ganja otro,como cu boso a pone un banda e hende bieu cu su practicanan malbado.
Esun di tres ta Romanonan 2 : 5-8.Ta para scirbi:
Pa motibo di capricho y bo curason cu no kier arepenti , bo ta montona furia pa bo mes,den e dia di furia, y revelacion di e huicio husto di Dios.
Kende lo paga cada ken segun su obranan.
Na esnan cu perserverando,den haci mento di bon, ta busca gloria y honor y inmortalidad,y bida eterno.
Ma na esnan cu ta busca nan propio interes so y no obedece e berdad, ma ta obedece inhusticia- furia y indignacion.
Esun di cuater ta Juan 3:36 ta para scirbi:
Esun cu kere den e Yiu tin bida eterna,ma esun cu no obedece e Yiu, lo no mira bida,ma e furia di Dios ta keda riba dje.
Esun di cinco ta Romanonan 1: 28 cual ta para scirbi:
Y mescos cu nan no a hanja necesario pa reconoce Dios, Dios a entrega nan na un mente perverso. Pa haci cosnan cu no ta cumbini.
No lubida kico e palabra di Dios ta bisa den Juan 3:16 ta para scirbi;
Pasobra Dios a stima mundo asina tanto,cu E a duna Su Yiu unigenito, pa ken cu kere den dj’E no bay perdi, ma tin bida eterno.
Juan 3:18 ta splica bon cla bisando: Esun cu kere den dj’E no ta condena,ma esun cu no kere ta condena caba,pasobra e no a kere den e nomber di e Yiu unigenito di Dios.
Dios ta duna tur oportunidad pa hende yega na salbacion, pesey e a entrega su Yiu Cristo Hesus.
Cristo Hesus a haci e declaracion grandi y poderoso pa tur hende por sa ken e ta bisando.
Ami ta e caminda , E berdad, y e Bida, ni un hende por yega serca e Tata sino ta pa medio di mi.
Si un hende ta scucha e berdad, y no kier entrega su bida, e no kier coopera pa su salbacion, y e enemigo ta tras di esey, pasobra e palabra di Dios ta bisa cu e diabel ta bini solamente pa horta, pa mata y pa destrui.
Awor e decision ta keda den man di cada ken, pa nan haci esfuerso pa sali for di scuridad, y drenta e caminda di lus y bida eterna.
Cristo Hesus tey.
Sinceramente, Pastor Marcel Balootje.
