Meymey di su amante pueblo di bon musica y alegria presente e ta
Awe nochi cu su grupo
Grupo di Betico
Un fiel musico cu clase y curason cu hopi dedicacion
Pa Aruba un bendicion
Su herencia cultural musical special
Den scochi di su isla natal
Un shon di hende
Un cabayero
Un sonrisa
Un movecion
Un alegria
Un fe
Hopi sabiduria
Papa Maiky, masha danki
Pa anyanan di alegria comparti
Pa nos tur goza y diverti
Canta y bayla cu Grupo di Betico, nos sa pakico
Den boso bunita halanan bulandi di tradicion pa momentonan unico dushi y bon, saliendo como rayonan talentoso di oro fey boso humilde curason
Pa Papa Maiky awe nos respet aprecio y amor ,
Cu Dios den su bida tur cos e tawata por
Su oracionnan entrega y scucha
Awe un bes mas ta ilumina
Su alma precioso yen di gradicimento
Awe Aruba completo ta contento
Cu un dushi concierto di Grupo di Betico
Zjeito rico !!!
Ruthy Lady Ruth Vrieswijk Bergen
