E Campeonato Nacional 2026–2027 a brinda un fin di siman di competencia intenso, cu diez partido den U13 mixto, U15 femenino, U17 femenino y U19 femenino.
Diabierna na POVA, Synergy 1 y Synergy 2 a habri e programa cu un partido cu a bai te na e set decisivo. Synergy 1 a gana e prome set 25–18, pero Synergy 2 a responde 25–23. Den e tercer set, Synergy 1 a logra e victoria 15–11, pa gana e partido 2–1.
Den U19 femenino, Phoenix a supera Hitters VT 2–0, cu setnan di 25–21 y 25–11.
Diasabra na Compleho Deportivo Frans Figaroa, Noord, e partidonan U13 mixto a habri e programa. Hitters VT 1 a gana Fast Breakers 2–0 (25–10, 25–13), mientras Volleyball Positivo a supera Chaos Titans 2–0 (25–17, 25–10). Synergy 1 a derrota All Set 2–0 (25–4, 25–16), y Synergy 3 a gana contra Synergy 2 2–0 (25–13, 25–12).
Den U15 femenino, Synergy 1 a supera Hitters VT 1 2–0 (25–11, 25–17), y Synergy 2 a gana contra Phoenix 2–0 (25–11, 25–19).
E partido entre Chaos Titans y Fast Breakers 2 a resulta e duelo di mas largo di e ronda di diasabra.
Fast Breakers 2 a gana e prome set 25–22; Chaos Titans a iguala e partido cu un victoria 25–18 den e segundo set. Den e tercer set decisivo, Fast Breakers 2 a sali cu e victoria 15–10, pa gana e partido 2–1.
Volleyball Positivo a completa e programa U15 cu un victoria 2–0 contra All Set (25–14, 25–9).
Cu e partidonan di e fin di siman, e competencia pa punto den e rondanan inicial ta sigui. E standingnan aktual, actualisá te 31 di oktober, ta disponibel den e tabla oficial di Aruba Volleyball Association.
E Campeonato Nacional ta sigui e proximo fin di siman, 6 y 7 di november. Aruba Volleyball Association ta invita e publico, famia y sostenedornan pa bin anima e atletanan y disfruta di mas volleyball na Aruba.
