Den Señor Hesus nos por wak tanto e poder y e gloria di reino di Dios. Cu su poder divino el a triunfa riba e forsanan di scuridad (e reino di satanas y tur cu a opone e reino di Dios) y riba pica (cu ta corumpi y somete e mente, curason y boluntad di e hende na e forsa di maldad). Hesus tawata sa cu e unico manera pa haya victoria ta door di muri riba cruz. Pa medio di e cruz El a triunfa riba morto y El a cancela e debe cu nos picanan a ocasiona. E victoria di su cruz a habri pa nos e caminda pa nos por biba manera yiunan di Dios y habitantenan di e reino celestial den cual amor, paz, gozo y husticia ta reina. P’esey nos no tin cu tarda pa activa, bou guia y inspiracion di Spirito Santo, un fe firme den e promesa di Dios y hancra nos speransa y futuro den su reino. Su reino cu ya ta memey di nos den e Persona di Hesus, nos Rey misericordioso y consecuentemente den nos sirbishi na nos prohimo.
Oracion: Señor Hesus, sea e Rey di mi curason y e Maestro di mi bida pa asina den tur libertad mi por sirbi Bo y mi prohimo den amor y berdad. Amen.
