Compania di Donny y Candy Rasmijn a cobra Afl. 99.944 pa un video production pa RDA
// Ningun video production por costa asina hopi placa
E compania di Donny cu Candy yama CONNECT. Donny Rasmijn tabata parlamentario pa AVP di 2009 pa 2017. Un cos ta sigur, manera e nomber di nan compania ta bisa “connect”, nan ta well connected den RDA, unda nan a cobra miles di florin. E compania aki a dedica su mes na mercadeo. Pues, aparte di dos compania di Patrick Paskel, Tera Group y Paxi nv, cu a cobra 500 mil florin for di RDA pa mercado, a paga CONNECT di Donny cu Candy otro 500 mil florin.
E rapport forensico di RDA ta skirbi cu e compania Connect aki a haya un contract pa traha un video production, pa asina re-brand RDA.
E contract ta firma pa Afl. 99.944.00. Ora cu e notica a sali na cla, tur hende cu ta traha den mundo di video a keda boca habri, pasobra ta imposibel pa kere, con dos persona Cristian, porcierto, cu ta acudi na e mes iglesia di Malmberg, por a hinca den nan cabes pa tira un atraco den RDA.
E suma encuestion tabata uno bon pensa, pasobra si e suma a surspasa 100 mil florin, e ora ey mester a pidi permiso na raad van bestuur. Dor cu e suma ta bao 100 mil, e ora e director so por a firma e contract aki.
Mes un cos a pasa tambe cu Patrick Paskel, ora cu na September 2017, a cobra un suma di 99.999 florin, 1 florin bao di 100 mil, pa asina e por a haci apertura di projecto di Algen.
E pregunta grandi ta keda awor: Unda e video di Afl. 99.944.00 ta? Pueblo kier mira e video. Casi sigur e video aki lo no ta existi y den e caso ey por spera cu Candy Rasmijn te proximo cu lo haye cu problema cu husticia, ora cu e mester bay proba, con ta posibel cu el’a cobra un suma asina exagera pa traha un video.
E rapport di RDA a trece cu e compania a cobra:
“Door RDA is over de periode juni 2017 tot en met december 2018 totaal Afl. 524.136,72 uitbetaald aan Connect. Door FMSA zijn over de periode april 2018 tot en met september 2018 totaal Afl. 44.101,80 aan Connect PR uitbetaald. Het betreft voor de navolgende werkzaamheden”
Total e compania aki a cobra: Afl. 568,238.52
