Den tur e companianan cu a cobra placa na RDA den forma abusivo, a bin topa tambe cu e compania Grupo Tecnico de Sevicio, GTS, cu a haya un contracto verbal!!! pa haci un projecto di Algen ( yerba di lama cu lo produci energia). RDA a malgasta den varios compania, varios miyon, pero den un di nan cu mas placa a wordo hinca ta GTS.

E raport ta informa cu e compania ta di un tal Ortega, kende ta wordo representa na Aruba pa Geerman. Den total, e compania aki a cobra 2 miyon florin, pa tur sorto di trabao cu a wordo haci den projecto di Algen, pero loke cu ta hala atencion, ta e huurmento di generator y otro equiponan, cu ta na prijsnan increiblemente halto. E rapport ta sigui bisa cu e compania GTS aki ta e compania number un riba lista cu mas placa a cobra for di RDA.

Ora a puntra director di RDA si tabatin un destaho publico pa e projecto aki, el’a contesta cu NO, no tabatin destaho.

Tambe ta notabel cu e compania aki ta uno nobo nobo, recien incorpora. A puntra e director, dicon a escoge un compania nobo nobo, sin ningun track record pa haci e projecto aki? E director a contesta cu e personanan den e compania tin experiencia.

Por tuma nota cu RDA tabata huur un generator, pagando pa luna 25 mil florin. E mes un generator aki, algun luna despues e prijs a baha na 11 mil, y despues via un otro compania tabata paga 11 mil florin na huur.

E resumen di e projecto aki, ta nada otro cu hortamento y placa perdi.

LEAVE A REPLY

Please enter your comment!
Please enter your name here