Nos ta duna danki tur dia
Pa nos alegria, nos gozo nos paz y nos sabiduria
Na Dios Creador cu ta duna nos, nos salud y nos rosea
Nos ta corda riba nos
Mayo pa e dushi cuminda den wea
Nos ta duna danki na Universo pa tur bendicion riba mama tera
Tambe pa dolor y tristeza
Pa naturaleza cu su beyeza
Pa tur poema cu nos ta lesa
Y pa tur cos bon cu nos ta spera
Pa Awasero, Solo luna y strea
P’e cabrito canando den berea
E danki mas dushi cu nos a sinya duna
Ta di mi bunita y dushi mama na su yuinan y na su bisinya
Cu e palabra danki so no ta yena tanki
Ora palabra no ta suficiente
Y bo ta duna algo extra di curason, algo bon cu bini na mente
Pa cu e obranan bon hasi
Un regalito cu amor
Por ta placa tambe, si !
Por ta un paki koekie
Un chuculati of un boekie
Loke sea cu bo por
Hasi esaki cu fe y cu amor
Awe ta dia internacional di duna danki
Wak pa bo danki yena un tanki
Y si bo no tin nada extra pa duna
Un sonrisa cu un brasa tambe sigur ta yuda!
No duda !
Tin varios cu no sa expresa nan gratitud pa nada den bida
Nan no sa con ta pidi pordon
Nan no sa con ta stima
Y ta hoga nan mes den tur sort’i material y kier mas y mas placa
Fey unda felicidad no por saca afor con pa calma nan sed pa cos
Enbes di busca Dios
Y sinya aprecia bida cu respet pa nan mes y pa otro. Nos ta resa pa nos enemigonan y pidi Dios pa bendiciona nan.
Pa sikiera awe, nan por duna danki pa Abo crea den nan un curason honesto sincero y limpi
Como Poeta di Aruba mi ta pidi
Un bendicion total pa nos dushi isla,
Pa e nomber di Jesus nos sigi hisa
DANKI BON DIOS PA E DIA DI DUNA DANKI.
NA BO TUR HONOR Y GLORIA.
ABO TA DONJO DI NOS STORIA.
SIGI INSPIRA’MI Y PINTA’MI CU BO COLORNAN DI PAZ Y AMOR.
Masha masha danki !
Ruthy Lady Ruth Vrieswijk Bergen
November 26 2026





