Nos ta mescos cu Zakeo, rico y hefe cu tin mas di loke mester pa biba. Esaki ta pone nos lubida Cristo cu, aunke entre e multitud toch ta busca nos. Nos ta purba mira Hesus pero nos picanan ta stroba nos, nos mester haci esfuerso pa kita loke ta stroba nos di mira e tantisimo accionnan di Dios. Nos no mester tin berguensa pa haci manera Zakeo! Nos disposicion ta loke ta pone Hesus actua y si nos no probecha di e situacion aki nos ta perde e unico oportunidad pa ser toca pa Dios y wordo salba. Kisas nos tabata tin hopi ocasion pa encontra nos cu Hesus y ta balente y contra cu n’E y invit’E pa drenta den nos bida. Lag’E bisa nos:”Awe salbacion a yega na e cas aki.”  
Nos ta converti y ta rechasa nos ambicion di rikesa y cambia pa parti nos rikesa pa pobernan. Por ta cu ta hopi tempo caba Hesus ta pidiendo nos esey pero nos no ta scucha!  

Oracion: Hesus, yama nos pa nos arepenti cu un curason sincero y converti. Yuda nos coregi e pica cu nos a comete cu ta stroba nos pa yega cerca Bo. Drenta den nos curason y haci nos fuerte y keda semper cu nos. Yuda nos awe pa haci esaki realidad. Amen.