Paradera – Diabierna mainta den oranan di 11’or polis a bay Morning Supermarket unda un persona adicto lo a haci problema eynan.
Na yegada di polis ya e persona a bandona e sitio.
Na e sitio un señora cu ta bende joyas parti pafo a bisa polis cu e homber aki lo a pasa man pa un joya di dje. E la core bay y a benta esaki a abou.
Paden den e supermarket e homber aki a bebe un cerbes y sali bay.
Algun minuut despues un otro informacion a drenta cu tin un homber molestiando hende altura di un fast food na Paradera.
Polisnan a bay eynan y ta topa cu Brian A, un persona conoci pa nan y cu lo tin un enfermedad mental.
Agentenan a papia cu ne y a pidi transportwagen pa por hibe, unda e lo mester ricibi su medicamentonan.
