Mike Eman a escohe “oude bokken” su dilanti den e proceso di renobacion di partido
Parlamentario Endy Croes a tuma nota cu tin hopi desgusto den partido AVP. Asina por a nota cu diaranson ultimo Robert Candelaria no a presenta na e delaster reunion di Parlamento # 10. Den e sala di Parlamento diaranson tabata hopi kla cu e rabiamento den partido AVP ta hopi grandi. Marlon Sneek faltando 6 luna solamente pa logra su “volle pensioen” cumpliendo asina 12 aña den Parlamento a wordo laga na caya door di Mike Eman. Mike a hise bente na number 10 y awor e ta riba caya pafor di Parlamento. Segun por a tende Marlon mes murmura den Parlamento cu esey ta su danki. Benny Sevinger desde KIA ta pasa dilanti Candelaria unda Candelaria mes ta out. E pastor y esun cu ta pretende di ta integro ta weggespeeld door di Mike Eman y Benny Sevinger pa un preso tuma su lugar. AVP kier compensa Candelaria cu un trabou di Fractiemedewerker pero Candelaria aparentemente no lo acepta.
Jennifer Arends Reyes tabata furioso:
Jennifer Arends Reyes kende ta forma parti di e hala mas hoben den AVP tambe a wordo maltrata pa Mike Eman. Segun Mike, AVP ta pasando den e proceso pa rehobense e partido. Jennifer kende porcierto por tin un carera mas briyante ainda su dilanti a wordo poni na number 11. Pues praktikamente Mike Eman no tabata kier ni Marlon Sneek pero tampoko Jennifer mas den Parlamento. Asina a pone e “oude bokken” Mike Eman, Mike De Meza y Arthur Dowers ful dilanti den aliñashon. Cu esaki a demostra cu e biewnan lo keda na timon den e proceso di rehobense. Jennifer Arends Reyes a bolbe perform mihor cu hasta number 5 riba lista esta Rycond Santos do Nascimento pero alaves a perfom mihor cu number 8, 9 y 10. Den elecion 2017 Jennifer tabata tin mas cu 200 votos mas cu Mervin Wyatt Ras ( un mepista di curason) pero ni asina Mike Eman no a recompense. Jennifer na 2017 tabata tin mas di 300 votos di diferencia cu Marlon Sneek y toch Mike a pone Marlon dilanti Jennifer. Pues lokual nos a scucha wordo papia durante e ultimo reunion entrenan nos a sinti nos mes jama pa publica esaki pa asina pueblo por ta na altura cu den AVP cos no ta manera canta un macamba pero tin bastante odio y rabiamento mei mei di nan con Liderasgo di AVP a deal cu e ultimo lista y e consecuencianan pa cada un di nan. Sinembargo den mesun rosea nos ta keda enfoka riba tur cosnan positivo pa e proximo 4 añanan di gobernacion nos dilanti. Laga AVP cu su problema interno pero nos lo traha na bienestar di henter pais Aruba.
