Diamars 22 June 2021 Johnson’s Enterprises a hasi un demonstracion riba e Parkietenbos landfill pa cu un producto y proceso cu lo por wordo usa pa asina alivia e vicindario parkietenbos di e holor malo, huma y candela. Johnson’s Enterprises conhunto cu e compania mericano LSC Environment cu ta produci e producto Posi-shell a presenta y a aplica un seccion riba e landfill pa asina mustra e effectividad di e producto cu ta tapa e desperdicio cu un laag di material (entre 1-2cm) cu no ta laga holor malo, candela ni huma sali. No solamente holor malo, huma y candela, e Posi-shell lo remedia, pero tambe desperdicio cu actualmente ta bula bay den lamar of mangrove lo wordo conteni.
E producto ta wordo considera environmentally friendly y e ta uno hopi effectivo y costo abou cu cualkier otro proceso pa tapa e landfill y metiga e problema nan vigente riba e landfill. Loke Johnson’s Enterprises a tene na cuenta; si kier bay sera e Landfill di parkietenbos – e problema di holor, huma y candela lo keda vigente y si den futuro kier saca tur cos, e processo lo ta tuma tempo (añas) y ta un proceso costoso. Pesey Johnson’s Enterprises a presenta un opcion, pa por brinda un solucion alternativa temporal cu ta den bienestar di specialmente e bario di Parkietenbos y Aruba en general, pa por tin tempo pa dicidi y jega na e solucion final.
Un otro factor cu tambe ta di suma importancia, ta nos turismo. Si aplica full e landfill, e landfill lo haya un color uniforma cual lo duna un otro impression estetico vooral cu e landfill ta hopi serca di nos aeropuerto. Johnson’s Enterprises ta conciente cu e proceso aki no ta e solucion final, pero si un solucion alternativa y un alivio pa e habitante y vecindario di Parkietenbos.
Pa wak e proceso di e demonstracion di aplicacion por bai riba pagina di Facebook di Johnson’s Enterprises – JEAruba – pa wak e video.
