DEPORTE – Nos seleccion di futbol femenino ta bibando un torneo di nan soño na e capital di Santo Domingo, Republica Dominicana. Diamars nos damita nan di Aruba ta gana nan di tres wega sigui den e torneo di Caribbean Football Union Challange Series 2021.
E biaha aki e seleccion di Saint Kitts & Nevis tabata esnan cu mester a mira un seleccion di Aruba dominante riba tereno. Aunke St. Kitts and Nevis tabata un di e rivalnan mas fuerte te cu awor, esaki no a intimida nos muchanan ningun momento.
Aruba a keda hunga su wega di toke pasando e bala rond y claro manera tur e otro weganan cu nos tironan di leu cu a crea hopi peliger pa e porteria di St Kitts and Nevis. Notabel ta cu e punteria di e hungadornan Ellen de Jong y Kim Schoppema tabata na candela.
Ambos tabata grandi den anotacion di gol unda Ellen a score un total di tres gol di cual e ultimo un hoya di gol y Kim cu a anota dos gol pa 5 gol entre e dos hungadornan aki. E alero Sundari van der Linden porfin a anota su prome gol den e torneo aki y esaki a wordo celebra engrande. E otro dos golnan a wordo anota pa e capitan Bindiya Wadhani y Loredana Nepi Perez cu sin duda dos pieza clave den e seleccion aki. Ta bon pa bisa aserca esaki.
Si for di un comienso no por a expect nada di e seleccion femenino aki, mirando cu Aruba ta e pais debutante, sin experencia internacional, pa tur mucha un prome biaha den un magno torneo cu 10 pais participando y e nerviosismo cu lo hasi su efecto. Wel awor e rolnan a cambia mirando cu pa por ehempel coachnan di otro pais, dirigentenan di CFU, fanaticada cu ta presencia e weganan y media transmitiendo, Aruba su seleccion ta un di esnan cu mas a bala ta hungando y demostrando un bon futbol y di calidad cu talentonan natural.
En fin no por kita afor cu ya caba Aruba lo ta den e gran final di Tier 2 faltando un wega mas pa hunga contra di Turks and Caicos Islands diabierna awor pa 5.30 den e stadion di Club Santa Fe. E gran final di e CFU Challenge Series 2021 lo ta diadomingo awor 11.30 di mainta ora nos seleccion Aruba Girls U14 lo enfrenta
