Nan ahala’den caso di apelacion pa cual e sentencia di juli 2019 ta oficial
Dialuna mainta Nelson Andrade y Marko Espinoza a hala atras for di e caso cu mester a tuma lugar diamars mainta 9.30. Ta trata di un caso di apelacion, unda nan kier a bay limpia nan nomber, for di e sentencia di dia 15 di juli 2019, cu a haya ambos culpabel di ladronicia (heling) di radio di polis.
Na juli 2019 huez a dicta cu ambos ta culpabel di a horta un radio di polis y di tabatin e radio di polis na un forma ilegal den nan poder, y asina tabata scucha conversacion di polis y tabata logra yega na sitionan di accidente prome cu polis.
Huez a haya cu ta suficiente proba, dor cu Marko Espinoza a basha bao y a conta recherchenan tur tur detayes. Na dado momento e radio di polis tabata scondi na cas di Marko y asina e tabata pasa na cas di varios trahador y tambe cerca Nelson Andrade.
Ora cu e investigacion a cuminza bira cayente, Andrade a yama Marko pa core bay entrega e radio na un spirito, pa cual e spirito a pone e radio bek den warda di polis.
Sinembargo e radio tabatatin GPS y tabata wordo monitorea y polisnan tabata sigui tur movecion di e radio.
Esaki ta heling, pues, un otro palabra pa heling ta diefstal y na papiamento ta ladronicia. Ora bo ta obtene algo na forma ilegal, na un forma horta, y hasi uso di dje y tabata horta e ora informacion policial.
Segun un fuente cu Andrade a laga sa cu e no a horta radio di polis y cu e no ta ladron. Pero e sentencia di huez a haye culpabel di heling. No por tin heling sin tin ladronicia. E hecho cu no a haya nan cu e radio, no kemen cu nan no tabatine y cu nan no tabata scucha conversacion di polis. Cu nan a core entrege na un persona, tambe ta basa riba berdad, riba propio declaracion di trahador di Andrade, Marko Espinosa. Aki e declaracion di Marko Espinoza ta haya su peso di e berdad.
Hecho ta awor cu dor di no sigui cana e caminda pa limpia nomber, esey nifica cu e prome sentencia, unda ta dicta cu bo a wordo haya culpabel di ladroncia di radio di polis ta wordo oficialisa.
Mas cu claro cu esaki sigur ta haci dolor serca Andrade, cu a custumbra di yama henter Aruba pa ladron, abusa di tur hende, keriendo cu e ta omnipotente y te hasta e ta mas grandi cu Dios.
Awe e mester deal cu su karma, pasobra tur grito di ladron cu el’a lansa contra otro hende, awor ta bunita asina skribi den su frenta.
Si ambos tabata asina sigur di nan caso, y cu di berdad nan ta limpi, dicon nan a hala aden e caso?
