Ta solamente hunto e exito di educacion por wordo logra , tanto mama como tata mester uni pa asina duna e yuinan e mihor educacion posibel.
E asunto cu e tata ta laga e yuinan na encargo di e mama of e mama ta laga e yuinan na encargo di e tata, ta porta habri pa manipulacion, pasobra despues bo ta haña cu e yiu no ta scucha di ningun di nan dos,pasobra e mayornan ta contradeci otro.
Tur decision encuanto educacion y guia di mucha den e caminda di Dios mester tuma lugar cu participacion di tata y mama.( Isaias 54:13)
Un mama no por halsa e yiunan riba su esposo, ni tampoco e tata por halsa e yuinan riba e esposa, pasobra esey ta causa rebeldia y ta pone e yuinan den peliger di bay contra palabra di Dios ( Efesios Capitulo 6 vers 1-4).
Nos ta bibando den un tempo dificil, caminda cuater wowo ta necesario pa wak e yuinan, y guia nan riba e bon caminda, pero mayornan mester ta den unidad , cual ta e principio di tur matrimonio ( Genesis Capitulo2 vers 24)
E palabra di Dios ta bisa cu e homber lo bandona cas di su mayornan y uni cu su esposa, y nan dos lo bira un solo carni, y esey ta nifica un solo carni den tur cos, especialmente den e educacion di nan yiunan.
Proverbionan Capitulo 4 vers 3 ta bisa: Tempo cu mi tabata un yiu pa mi tata, delicado y e unico yiu homber den bista di mi mama e a siña mi y bisami: Laga bo curazon tene duro na mi palabranan, warda mi mandamento nan y biba.
Proverbionan Capitulo 4 vers 23-27 ta bisa: Warda bo curazon riba tur cos, pasobra e ta e Fuente di bida. Kita for di bo un boca engañoso. Y tene lipnan perverso lew for di bo.
Bon conseho, disiplina y coreccion mester bini tanto di parti di tata y di parti di mama.
Despues cu boso dos a uni den relacion pa asina boso por tin un yiu,boso deber ta pa boso permanece hunto pa ningun momento e yiu ey no tin falta di boso presencia, amor , comprencion, cariño y dedicacion.
Aqui nos por mira cuanto biaha mayornan ta lubida riba e encargo precioso cu nan a haña di parti di Dios.
Especialmente mayor mester bisa su yiu, mira bon na unda bo pianan ta hiba bo e ora ey tur bo camindanan lo keda estableci.
No bira ni na man drechi , y ni na mas robes , tene bo pia lew for di maldad.
Awendia conseho di mayor mester ta firme y na tempo , pa asina vence e consehonan di e mundo di maldad, pasobra si nos ta slow den e atencion pa nos yiunan, tin hopi conseho riba internet pa nan bida , cual hopi biaha no ta esun di mas mihor.
Mayornan yena boso bida cu oracion, y palabra di Dios, pa hunto boso por guia boso yiu den e tempo dificil aki.
Sinceramente
Pastor Marcel Balootje.
