ORANJESTAD – Siman pasa Minister di Cultura a ricibi bishita di sr. Dufi Kock kende ta un escritor y historiador di nos Pais. Sr Kock su investigacionnan historico ta cubri mas di 400 storia di Aruba. Ademas Sr. Kock a publica varios buki y un cantidad cu ela yuda of skirbi cu no a wordo publica. Despues di a bay cu pensioen Sr. Kock a bin ta dedica su mes boluntariamente na trabao comunitario y skirbi historia di nos pais cual ta un di su pasionnan. Pa Minister di Cultura Xiomara Maduro tabata un placer pa ser conoci y comparti un rato cu sr. Adolf “Dufi” Kock y ta keda pendiente pa haci un exposicion pa comparti e storianan unico aki di nos Pais.
