Promer Minister di Aruba Sra. Evelyn Wever Croes a contesta e sindicatonan den un carta cu Gobierno di Aruba ta lamenta cu e impresion aki ta biba serca 11 sindicato y 2 organisacion.
Gobierno di Aruba ta respeta e lucha sindical y e lucha di cada empleado. Debi na e pandemia mundial, Covid-19, Gobierno a hay’e obliga di hasi fiansa na Hulanda pa por a sigi paga salarionan di empleadonan publico, pension di pensionadonan, subsidio di salario pa sector priva, asistencia financiero FASE pa esnan cu a perde trabou ey demas gasto di gobierno. Mirando cu Hulanda a pone
como condicion cu mester aplica un recorte di 12,6% riba salario y beneficio, Gobierno a ancra esaki den un ley cu a wordo aproba pa Parlamento. Pues e recorte no ta contra nos democracia, y pues tampoco por papia di dictadura.
