Daphne Lejuez a laba man tirando culpa riba Bondia Aruba
“Ta bondia a troce su palabra”
E politico Daphne Lejuez a laba man di un articulo cu a sali di dje den Bondia Aruba.
Algun dia pasa, el’a bisa den Bondia, cu e caso penal contra Endy Croes riba Lotto nunca a bin dilanti, pasobra Ministerio Publico a haci un “oproepingsfout”.
Despues e fiscal a bay Hulanda y asina e caso nunca a bin dilanti.
Tur e ponencia ey bao nomber di Daphne Lejuez, publica den Bondia ta falso.
Minister Endy Croes a hala atencion di Daphne Lejuez, cu tur loke a wordo skirbi ta mentira.
Daphne Lejuez a informa cu e no a declara esey na Bondia Aruba y cu ta Bondia Aruba a draai su storia, skirbiendo dicho disparate.
Mas cu claro asina Daphne a laba man, sacando su mes di e acusacion incorecto y a tira culpa riba Bondia Aruba.
Obviamente ta hopi straño cu si Bondia draai bo palabra, bo lo mester acudi sercanan pa corigi e publicacion.
Legalmente ta deber di Daphne pa bay clear out e mal articulo serca Bondia.
Entodo caso, awor a keda bon cla cu tanto Daphne Lejuez y Bondia Aruba a skibri informacion chupa di nan duim.
Endy Croes dia 28 di November 2012 a wordo saca for di e caso door di tres huez, kendenan a dicta cu Endy ta liber di acusacion y nunca a presenta dilanti hues penal.
