Un dia fructifero cu hopi gracia di Dios.
” Hesus a ordena pa no conta niun hende nada di loke nan a mira, te dia e Yiu di hende lanta for di morto. ….Nan a keda corda Hesus Su palabranan y a keda discuti cu otro… ” (Marco 9, 9-10)
Esta dificil e lo tabata ta pa e discipelnan di Hesus di a wanta pa nan mes locual nan a caba di mira. Nan no por a conta niun hende. Awendia, cu tantisimo media cu ta rondona nos, esaki lo no por. Hende kier tin semper un primicia, pa nan por sali den corant of ariba FB, y traha asina un redo of storia cu lo haya un “bida” den boca di pueblo. Hende ta gusta haci redo. E Transfiguracion di Hesus, tabata algo asina maraviyoso y grandioso cu nan mes no por a comprende. Y e stem cu a resona mester a spanta nan! Pa e motibo aki nan tabata kier sa mas di Hesus. Spanta, pero tambe nan a sinti e alegria y honor / privilegio di ta den compania di Hesus. Nan a busca e contesta cerca Hesus mes. Nan mester a papia cu otro. Nan a haci redo. Cuanto biaha un hende ta conta bo algo den tur confiansa y ta bisa bo tene pa bo y abo ta honra esaki y mantene secreto?
Oracion: Señor Hesus, mi ta anhela di mira locual e discipelnan a presencia. Bo grandesa, Bo Luz y Bo Claridad den mi bida. Bini Hesus. Bin briya den nos bida. Amen.
