Ehercisio por duna persona un mehor calidad di bida y ta yuda e persona den preveni pa cay den riesgo cu por ehempel; problema cu curason, presion halto, diabetes tipo 2 of stroke.
Pa e lucha pa un mihor estilo di bida, Aruba ta activa pa diadomingo awor, 20 maart 2022, pa e “One Healthy Day Festival”. Diferente organisacion, scolnan y compania lo participa den e causa aki.
Nos di Departamento di Salud Publico y Ministerio di Salud Publico y Deporte ta invita pueblo di Aruba pa bishita nos booth y di tur e otro instancianan pa asina hanja mas guia y con pa move pa nos salud.
Cas di cultura lo ta habri desde 9:00 di mainta te cu 5:00 di atardi cu diferente booth di informacion y charlanan.
No lubida, ban move pa nos salud fysico, mental y emocional pa un mihor calidad di bida.
