SIMAR ta prohibi pa cambia horario di scol

Scol lo no cuminza 9or mainta ni termina 11or mainta

Diaranson huez a dicta sentencia den e caso cu Gobierno a cuminza contra Simar.  
Tabata na luna di Febuari cu Simar a anuncia recorte di horario di scol,  unda nan kier a traha menos hora,  pa cubri e 12.6% di salario cu nan no  ta haya. 
Huez a tuma SIMAR hopi na malo,  pa e exigencia cu nan tin,  esta pa forsa gobierno pa para e recorte,   Of pone un banda,  sin aprobacion di Hulanda.  
Huez a bisa cu e consequencianan lo ta devastador pa henter nos pais y e interes di Simar of su miembronan no pisa riba interes general.  
Huez no a acceta e ponencia cu recorte di horario di scol lo no afecta e muchanan.   Huez ta kere cu recorte di horario lo tin su consequencia riba les di scol.  
Huez a baha pisa riba Simar y a prohibi nan pa tene accion of protesta, riba e asunto aki di 12.6%.