Mundialmente nursesweek ta wordo celebra di 6 pa 12 di Mei. Aruba tambe ta celebra esaki. Cada instituto ta pone atention na e profesion, segun nan prosupuesto, cu ta uno hopi limita, cu ta culmina cu tur attention ariba 12 di mei, fecha natalicio di Florence Nightingale.
E tema di e aña aki mundialmente, stipula pa ICN ta:
“Invest in nursing and respect rights to secure global health”.
Aruba sigur a experencia durante di e pandemia di COVID, con tur instancia mester a uni pa hunto por a combatie e pandemia y juda e poblacion di Aruba pasa door di e period aki. Di studiante den enfermeria te na e enfermera specialisa a uno pa hunto lucha incansabel pa un situation cu ta den theoria nos a siña y hamas por a imagina cu nos lo experencia un pandemia. Nos a experencia tambe scarcedad di nursenan specialisa.
Nos a gana e respet y a wordo elogia e momento ey, awo ta e momento pa cada cuidadano realisa cu Aruba mester mas nurse, mester mas nurse specialisa ariba tur tereno. Si bo persona ta sinti e “roeping”, “calling” pa studia pa ta un nurse, inscribi bo mes. Aruba mester di mas persona motiva pa studia pa por bira un nurse(verpleegkundige), pero tur nurse (verpleegkundige) cu a caba di studia como nurse y tin 2 aña di experencia como un nurse general, motiva bo mes pa skohe un specialidad pa asina nos jena e gap di necesidad den nurse specialisa.
Tur persona cu ta sinti su mes jama pa cuida nos grandinan, inscribi pa studia pa bira un verzorgende. Pa nos por garantisa cuido door di nos mesun nursenan local.
ODEA ta gradici cada nurse pa a skohe y studia pa ta un nurse. ODEA ta desea cada instituto exito cu nan programa/actividadnan di siman di enfermeria. Nos ta pidi cada miembro pa keda pendiente pa mas information e proceso di implementation di ARU-BIG.
