Durante e husgacion di huez comisario diabierna ultimo, den cual e mester a dicidi si tin motibo pa prolonga detencion di Otmar Oduber, a bin sali na cla cu no tin suficiente indicacion cu Otmar a comete un delito, relaciona cu supuesto trahadornan spirito den su bureau di Minister.
Tabata na Juli 2020 cu Marisol Lopes Tromp a lansa atake frontal contra su ex lider den parlamento di Aruba, unda a tilda Oduber, di a bin haya yen trahador spirito den oficina.
E acusacion aki a bira famoso y a conduci cu Marisol a gana masha hopi simpatia, debi cu e ta bringa contra corupcion.
E gritonan di spirito a conduci cu el’a logra haya 2 asiento den eleccion di 2021.
Awor ta bin sali na cla, den fase hopi tempran di e caso, cu huez comisario no ta haya cu tin suficiente indicacion cu Otmar Oduber a haci su mes culpabel na e delito aki.
Cu otro palabra, e denuncia di Marisol haci contra Otmar, parse ta bay termina den nada.
Huez comisario a hasi varios evaluacion y a basa du desicion cu loke el’a mira den e file cu tin encontra di Oduber, no ta hustifica pa prolonga su desicion, comoquiera cu den e acusacion di otorgamento di tereno, tampoco ta mira un of otro delito.
